افغانیستان دا حامید کارزایین رقیبی سئچکی‌لرده ایشتیراک ائتمه‌یه‌

افغانیستان دا حامید کارزایین رقیبی سئچکی‌لرده ایشتیراک ائتمه‌یه‌ جک

سابیق خاریجی ایشلر ناظری عبدالله عبدالله بئینلخالق ایجتیمایتین تضییقی آلتیندا تشکیل ائدیلن سئچکی‌لرین ایکینجی دؤوره‌سینه قاتیلمایاجاغینی تصدیق ائدیب.

مباحیصه‌لی ایلک مرحله‌ده ایکینجی یئری قازانان دوکتور عبدالله اونون شرط‌لری‌نین یئرینه یئتیریلمدیگینی بیلدیریر: او دئییر کی، سس وئرمنی ساختا‌لاش‌دیرماقدا اتهام ائدیلن رسمی‌لر توتدوق‌لاری وظیفه‌لرده قالسا یئنی سئچکی‌لرین عدالت‌لی کئچمه‌سینه اومید یوخدو.

عبدالله عبدالله دوشرگه‌سی سئچکی کومیسسیاسی و شخصاً اونون رهبرینی سس وئرمنی “ساختا‌لاش‌دیرماقدا” اتهام ائدیر.

بون‌دان اول عبدالله عبدالله نین طرفداشی اوولکی سئچکی‌لردکی پوزونتولارا دایر داها بیرمعنا‌لی بیانات وئریب.

“ایکینجی تور کئچیریلسه، ساختالاشدیرما تکرارلانا‌جاق. بونا گؤره بیزیم سس وئرمه‌یه قاتیلماق نیتیمیز یوخدو”، - دئییب احمد ولی مهسود.

حمید کارزای جناب عبدالله نین ایره‌لی سوردوگو شرط‌لری یئرینه یئتیرمک‌دن ایمتینا ائدیب. او، بونو قئیری-عدالت‌لی آدلاندیریر.

اؤزوده پوشتون اولان جناب کارزایا یاخین دایره‌لرده حساب ائدیرلر کی، تاجیک منشأ‌لی دوکتور عبدالله پوشتون‌لارین اکثریت تشکیل ائتدیگی اؤلکه‌ده اودوزاجاغینی بیله‌رک رقابته گیرمک ایستمیر و سئچکی‌لر باره‌ده بیانات‌لار یالنیز بهانه‌دیر.

بی بی سی موخبیری ایان پاننئلین خبرینه اساساً عبدالله عبدالله نین قراری سس وئرمه‌نین لئگیتیم‌لیگینه ضربه اولوب.

لاکین بو مسئله‌یه موناسیبت بیل‌دیرن آمئریکانین دؤولت کاتیبی داها نیکبین شرح وئریر.

“آمئریکادا دا داخیل اولماقلا هر بیر اؤلکه‌ده، نامیزدلردن بیری رقابت‌دن چیخماق قرارینا گلینجه بئله حال‌لار باش وئریر”، - دئییب هیللاری کلینتون.

سئچکی‌لرین بیرینجی دؤوره‌سینده چوخسایلی پوزونتولارین یئر آلدیغی بمت حمایه‌سی آلتیندا فعالیت گؤسترن بئینلخالق کومیسسیا طرفین‌دن تسدیق اولونموش‌دور. دونیا لیدئرلری‌نین مشترک تضییق‌لری نتیجه‌سینده پرئزیدئنت حمید کارزای اؤتن آی سس وئرمه نتیجه‌لری‌نین لغوینه راضی‌لاشدی.

کئچمیشده گؤز حکیمی اولموش منشأ‌جه تاجیک عبدالله عبدالله پرئزیدئنت کارزای حکومتینده 5 ایل عرضینده خاریجی ایشلر ناظریی وظیفه‌سینده ایشله‌ییب.

بی بی سی آذری