آنا دییلی گونو منا سیبتییله شهریاردان بیر شعر
تورکون دیلی تک سئوگیلی، ایستکلی دیل اولماز
اؤزگه دیله قاتسان، بو اصیل دیل، اصیل اولماز
اؤز شعرینی فارسا، عربه قاتماسا شاعر
شعری اوخویانلار، ائشیدنلر کسیل اولماز
فارس شاعری، چوخ سؤزلرینی بیزدن آپارمیش
صابر کیمی بیر سفره لی شاعر، بخیل اولماز
تورکون مثلی، فولکلورو دونیادا تک دیر
خان یورقانی، کند ایچره مثل دیر، میتیل اولماز
آذر قوشونو، قیصر رومی اسیر ائتمیش
کسرا سؤزودور، بیر بئله تاریخ، ناغیل اولماز
پیشمیش کیمی شعرین ده گرک داد - دوزو اولسون
کند اهلی بیلیرلر کی دوشاب سیز خشیل اولماز
سؤزلرده جواهر کیمی دیر، اصلی - بدلدن
تشخیص وئرن اولسا، بو قده ر، زیر - زیبیل اولماز
شاعر اولا بیلمزسن، آنان دوغماسا شاعر
مس سن، آبالام هر ساری کؤینک قیزیل اولماز
چوخ قیسا بوی اولسان اولورسان جن کیمی شیطان
چوخ دا اوزون اولما کی اوزوندا عقیل اولماز
مندن ده نه ظالم چیخار اوغلوم، نه قصاص چی
بیر دفعه بونو قان، کی ایپکدن قزیل اولماز
آزاد قوی اوغول عشقی طبیعتده بیلینسین
داغ - داشدا دوغولموش دلی جئیران، حمیل اولماز
اینسان اودو توتسون بو ذلیل خلقین الیندن
آللاهی سئورسن، بئله اینسان ذلیل اولماز
چوخ داکی سرابین سویووار، یاغ - بالی واردیر
باش عرشه ده چاتدیرسا سراب، اردبیل اولماز
ملت غمی اولسا، بوجوجوقلار چؤپه دؤنمز
اربابلاریمیزدان دا قارینلار طبیل اولماز
دوز واختا دولار تاختا - تاباق ادویه ایله
اوندا کی ننه م سانجیلانار، زنجفیل اولماز
بوشهریار ین طبعی کیمی چیممه لی چشمه
کوثر اولا بیلسه دئمیرم، سلسبیل اولماز
ز
آنا دیلی گونون هامی تورکلره تبریک دییرم
گرک دموکراتیک اعتراض ائدک