اورومو گولو

اورومو گولو

آدی گؤلدور، اؤزو بیر میللتین آغلار گلینی

بیر سوسوز اینسانا اوخشاردی او جانلار گلینی

آدی گؤلدور، بشرین سیمگه سی، سمبل دور اونا

بوتون عالم ده اولان یئر، گؤیه، داغلار گلینی

آدی گؤلدور، اؤزوسه بیزلره الهام اوجاغی

تانرینین وئردیگی سوغاتدیر، او ساخلار گلینی

آدی گؤلدور، سویو اوندان کسرک نابود اولور

تورکونون میللتینه اسکی بی(بیر) دوست یار گلینی

آدی گؤلدور، کسیلن سئللره قایناق اوجاغی

آخاران چای لارا گؤی دن یاغیشا بار گلینی

دونور آغلیر باساراق باغریمیزا آغلاماز او

سو وئرین دینجین آلا بلکه بو آغلار گلینی

یئنه آغلار اورگی دولقون آنیلماز اثره

سوسوز آغلار سولو آنلار آسیلان دار گلینی

گئجه آغلار گونوز آغلار سو دئییب سو ائشیدیر

شفقین دوغماسینا حسرتله باخ آخشاملار گلینی

سوسارام، سؤز دئمه یم آغلایاراق قان داماریم

کسرم قان چیخا دویسون بو گؤزل قار گلینی

سعید جباری ( سوسار سس)